കാലാവസ്ഥാ വ്യതിയാനം, ആഗോള താപനം, പ്രകൃതി വിഭവങ്ങളുടെ
അമിത ഉപഭോഗം എല്ലാം വലിയ ചര്‍ച്ചാ വിഷയങ്ങളാണ്. എന്നാല്‍
കേവല അധര വ്യായാമത്തിനപ്പുറം ഗൗരവമായി ആരും ഈ വിഷയ
ങ്ങളെ കാണുന്നില്ല. ഹരിത വാതകങ്ങുടെ മുഖ്യ ഉത്പാദകര്‍ കെട്ടിട നിര്‍മ്മാണ വ്യവസായമായതുകൊണ്ട് തന്നെ നാമെല്ലാം ഇതില്‍ അറിഞ്ഞോ അറിയാതെയോ ഭാഗഭാക്കുകളാണ്.
എന്നാന്‍ ഇത് കേവലം പ്രാദേശികമായി പരിഹരിക്കാവുന്നതല്ല. ഇതിന്‍റെ തിക്ത ഫലം
പ്രായേണ അനുഭവിക്കുന്നത് അവികസിത രാജ്യങ്ങളും പാവപ്പെട്ടവരുമാണ്. എന്നാല്‍ ചൂഷകരും കുറ്റവാളികളും സമ്പന്ന രാഷ്ട്രങ്ങളാണ്. ഹരിത സുസ്ഥിര നിര്‍മ്മാണത്തിന്‍റെ പേരിലും
വന്‍ ചൂഷണമാണ് നടക്കുന്നത്. ഉല്പനങ്ങള്‍ക്ക് വിപണിയും വിലയും വര്‍ദ്ധിപ്പിക്കാനുള്ള
കേവലോപാധിയായിട്ടാണ് ഗ്രീന്‍ സര്‍ട്ടിഫിക്കേഷന്‍ ഉത്പാദകര്‍ ഉപയോഗിക്കുന്നത്. കേരളത്തിന്‍റെ പരമ്പരാഗത നിര്‍മ്മാണ ശൈലികള്‍ തികച്ചും പ്രകൃതിയോടും ജീവജാലങ്ങളോടും ഇണങ്ങിയതായിരുന്നു. എന്നാല്‍ പ്രകൃതിയോട് മല്ലിട്ട് അതിനെ മെരുക്കിക്കൊണ്ടുള്ള
മനുഷ്യന്‍റെ ആധുനിക നിര്‍മ്മിതികള്‍ പ്രകൃതി വിരുദ്ധമാണ്. കൊന്നാല്‍ പാപം തിന്നാല്‍
തീരുമെന്ന് പറയുന്നതുപോലെ തിډകളുടെ ഏറ്റുമുട്ടലാണ് നിര്‍മ്മാണ രംഗത്ത് നടക്കു
ന്നത്. ചെറിയ തിډകള്‍ക്ക് നക്ഷത്ര ചിഹ്നം നല്‍കി ഉത്തമ പദവിയിലേക്ക് ഉയര്‍ത്താനാണ്
റേറ്റിങ് ഏജന്‍സികള്‍ മത്സരിക്കുന്നത്. ഈ കാപട്യം നാം തിരിച്ചറിയണം. യഥാര്‍ത്ഥ ഹരിത
വാസ്തുകല എന്തെന്നും അതെങ്ങനെ ജീവിതത്തിന്‍റെ ഭാഗമാക്കാമെന്നും നാമറിയണം
അത് കേവലം നിര്‍മ്മാണരീതിയല്ല ജീവിതചര്യയാണ്, ജീവനാണ്. പഞ്ചഭൂതാതിഷ്ടിതമായ
പ്രപഞ്ചത്തെ പന്താടാനല്ല പ്രണമിക്കാനാണ് നാം പഠിക്കേണ്ടത്. മനുഷ്യന്‍റെയും മണ്ണിന്‍റെയും പൊക്കിള്‍ക്കൊടി മുറിക്കാതെ വേണം നിര്‍മ്മാണം നടത്താന്‍. പുതുവത്സരത്തിന്‍റെ
പുത്തനുണര്‍വ്വോടെ!
